Pu Joseph Lalhimpuia, Vice Chairman, Lunglei High Powered Committee hovin Chief Secretary Conference Hall-ah Central Sawrkar hnuaia Ministry hrang hrangin an Budget atanga 10% North East tana hman tur an ruahman thin atanga dil tur Lunglei District hmasawnna tur project hrang hrang “Special Development Initiative for Lunglei District” chu sawiho leh thlirho a ni a. Pawm a nih hnuah Prime Minister Office (PMO) ah November, 2012 thla tir lam chhung ngeiin thehluh an rel. He Special Development Initiative hi Pu Joseph Lalhimpuia, Vice Chairman in a enkawl High Powered Committee, Lunglei District hmalaknaa kalpui tur a ni.

Lunglei District tana Special Development Initiative hnuaiah hian project 22, a vaiin Rs. 103.42 crore ruahman a ni a, Central Ministry hrang hrang 12-a kal tur project an ni. He Special Project hi a hlawhhtling a nih chuan Lunglei District-in nasa taka hma a sawn beisei a ni.

He Core Group Committee-ah hian Pi L. Tochhong, Chief Secretary chu Working Chairman niin Pu Lalramthanga, Principal Secretary chu Member Secretary a ni. Core Group te hianin he project hi a hlawhtlin ngei beiseina sang tak neiin a tul anga tan lak zel ni se an ti.