Vawiin chawhma dar 11:00 khan Pu Sanjiv Sharma leh Pu Prasanta Mishra, Geological Survey of India (GSI) team, Delhi atanga lokal te chuan Ramhlun leitlahniam/leimin na hmun ah kalin an enfiah. Anni hi Pu G.C.Kandpal leh Dr Dhruba Chakroborty Shillong/Guwahati ten an tawiawm bawk a ni.

He hmun mithiam ten an en naah hian Mizoram Sawrkar atangin Pu PC Lawmsanga Principal Secretary, Disaster Management & Rehabilitation, Dr Franklin Laltinkhuma DC Aizawl bakah Geology & Mining lam mithiam rual leh tualchhung hruaitu engemawzat in an tawiawm a ni.

He leitlahniam/leimin venna hi State Sawrkar Detail Project siam bawhzuia endik a ni. An ni hian report hi 20th November 2012 hma ngei in National Disaster Management Authority, Government of India ah an theh lut ang. Mizoram Sawrkar hmalakna in he project atan hian Government of India Planning atangin sum engemaw zat hmuh beisei a ni.