Vawiin chawhnu dar 2:00 khan Revenue Minister Pu J.H. Rothuama chuan Bawngkawn-a Brigade ram thin chu a tlawh a; Revenue Commissioner Pu R.L Rinawma bakah Revenue Director leh officer te, Bawngkawn khawtlang hruaituten Minister hi an tawiawm a ni.

Pu J.H. Rothuama chuan Brigade ram chu ke-in chipchiar takin a fang a; hemi ram chhunga sawrkar hmun pawimawh hrang hrang hunna tura ruahman te, kawngpui laih dan turte a enpui a ni. Brigade ram chhungah hian sawrkar chuan - hospital changtlung tak te, rural haat te, Fire Department hmunpui te, Land Revenue & Settlement office te, NABAARD pisa te, hotel changkang tak te, college-te leh vantlang mamawh chi hrang hrang a hung dawn a. Tin, Brigade field pawh infiamna chi hrang hrang len theihna tura changtlung taka cheithat a tum a ni. Brigade ram chhungah hian inkalpawhna kawngpui lane 2 aia te lo sialchhuah vek tura ruahman a ni a; thil dangte sak tan a nih hmain kawngpui zau tha tak duan hmasak vek turin Revenue Minister ho hian ruahman a ni