1776/2023-2024

Lunglei the 6th, September' 2023 : Vawiin tlai khan Lunglei District Task Force for Immunization(DTFI) chu Vice Chairman, Dr LC. Liana, Chief Medical Officer,Lunglei kaihhruaina in ama office chamber ah Intensified Mission Indradhanush (IMI) 5.0 Vaccine pek dan tur ngaihtuahin thutkhawmna neih a ni.

Thutkhawm na ah hian naupang kum nga hnuai lam leh nu naupaite hnena natna hri laka invenlawkna vaccine pek beihpui thlakna Intensified Mission Indradhanush 5.0 2nd round chu Lunglei leh Hnahthial District pumpui ah ni 11th-16th, September 2023 chhung hian kalpui tum a ni. Lunglei leh Hnahthial District chhunga PHC/SDH/CHC/MC 15 hnuaia khaw 94 ah vaccine pek beihpui thlak tura rel niin ruahmandan chuan IMI 5.0 3rd round hi ni 9th-14th, October 2023 -ah neih tum a ni. Vaccine la thei turte dapchhuah mek niin, ral tlante telin hmaih awm miah lova vaccine pek anih tur thu sawi a ni.

District Task Force for Immunization (DTFI) tarlan dan chuan tun dinhmunah Lunglei leh Hnahthial District-ah naupang vaccine la thei kum 1 hnuailam 290, kum 1 leh kum 2 inkar 149, kum hnih atanga kum 5 chin 182 leh nu naupai 128 an awm mek. Hemi bakah hian MR- 1, 121 leh MR- II, 150 (Missile Rubella) te hnenah vaccine pek vek tur a ni. IMI 5.0 1st round kha August ni 7th-12th, 2023 chhung khan vaccine pek a ni a, amaherawhchu fur ruahtui tlak tamlai anih avangin leimin leh tuilian avanga inkalpawh harsat thu sawi a ni. Tlabung SDH hnuaia khaw 3 leh Hnahthial CHC chhunga khaw 1 ah vaccine hi pek a ni a, a pumpuiah 13% chauh cover theih a ni.

 Intensified Mission Indradhanush hi sawrkar laipui hmalaknaa kalpui a nih thu tarlan a ni.