No.6536/2020-2021

Lunglei the 13th, Nov’ 2020: Vawiin chawhnu khan DC’s Conference Hall, Lunglei ah Pu V. Lalsangliana, Deputy Commissioner, Lunglei kaihhruaiin Lunglei District Task Force for Malaria Elimination  meeting  neih a ni. He meeting ah hian Health Department, Line Department, VC Association leh NGO’s te an tel a ni.

Pu V. Lalsangliana chuan Lunglei District hi Mizoramah Malaria vei tamna ber 2 na kan ni a, Kum 2019 leh 2020-ah phei chuan Malaria hi a pung nasa hle a, India ram hi kum 2030-ah chuan Malaria awmtawh lohna ram atan puan tum mek anih laia, hetiang ang  dinhmun a la nih si avangin District Task Force for Malaria Elimination  te chuan ngawrh zawka hmalak a ngaih thu a sawi a ni. Lunglei khawpui chhung ah ngei pawh Malaria a hluar a, chuvangin Line Department hrang hrang, VC Association leh NGO’s te nena tangho a a ngaih thu a sawi bawk ani.

Dr Lalrinthangi, District Malaria Officer, Lunglei pawh in thusawiin Malaria umbo anih theih nan Health Department chauh hian hma a la theih lova, Department hrang hrang te thlawpna leh puihna a ngaih thu a sawi bawk. Dengue chungchang sawiin Dengue hi phai rama vei tur chauh emaw kan tih laiin Lungleiah ngei pawh vei kan awm ta ani a ti. Malaria leh Dengue laka kan fihlim theih nan faina ahte tan lak pui turin member te a chah bawk a ni.

Pi Josephine Lalramthari, DVBD Consultant, Lungleiin a tarlan danin Lunglei District ah mihring 1,61,341 awmin District Hospital 1, Private Hospital 4, PHC 14, Main Centre 15, Health Sub Centre 68, Khua 180, Motor-in kumtluan a tlawhloh na khua 75,  Motor-in furlaia  a tlawhpawhlona khua 50 leh ASHA awmlohna khua 11 an awm a ni. Lunglei District ah kum 2019 ah Malaria vei  mihring 1000 zelah 15 awmin, mitthi 3 an awm a ni, hei bakah hian kum 2020 October thla thlengin Malaria vei mihring 1000 zelah 16 awm in mitthi 1 a awm ani. January –November 2019 ah Dengue vei 5 awmin January-November 2020 chhungin 37 an awm a ni. August thla thleng khan Lunglei District ah thosilen damdawi a chiah (LLIN) 89,111 semchhuah a ni. 

Meeting ah hian Health Dept. leh Line Dept. bakah NGO’s ten Malaria umbo dan tur hrang hrang leh hmalakna tur te sawi hona neih a ni.