No.4484/2020-2021

Village Council Election 2020 chu Lunglei District chhung a Village council 111- ah tukin zing dar 7:00 AM atang khan neih tan a ni. Lunglei District-ah hian a zavaiin VC 113 awmin Sethlun leh Thehlep te chu Uncontested a tling an nih avangin heng veng/khua pahnih ah te hian inthlan buatsaih a ni lo. Covid-19 hrileng laka mipuite an him theihna tura sawrkarin inkaihhruaina SOP a siamte chu ruahmanna siam lawk angin Lunglei District-a Polling Station tinah YMA duty-ten an kengkawh a ni.

Chhun Dar 12:00 DC Office, Lunglei Control room-a vote tlak dan report lo luh dan ah chuan za zelah vote 28.69 a tla tawh a, Voter 87,525 (mipa – 43602, hmeichhia - 43923)  awm zingah chhun dar 12:00 thleng khan vote 25,107 a tla tawh a, mipa vote 11,975 leh hmeichhe vote 13,132 a tla tawh a ni.

Vawiin khan Observer to General Election, 2020 Pu Donny Lalruatsanga chuan Lunglei khawpui chhunga Polling Station engemawzat tlawhin State Election Commission ruahmanna angin inthlan kalpui a ni em tih te leh Polling Station-a duty-te leh mipuiten harsatna an nei em tih te a hmunah kalin a enfiah a. Polling Station official duty-te leh tlawmngai pawl duty-te chu physical distancing, mask vuah, sanitizer hman leh kut silfai te voter-ten an zawm ngei theihnan uluk leh fimkhur taka heng inkaihhruaina te hi kengkawh turin a chah a. Election kalpui naah harsatna an tawk anih chuan Election Officer hnenah thlen vat turin a chah a ni. 

Lunglei District-ah VC Constituency 113 awmin seat 481 (General – 351 leh Reserved 130) a awm a, contesting candidate 1418 awmin general atangin mi 1071 leh reserved ah mi 347 candidate an awm a ni.