Vawiin chawhnu dar 12:00 khan Lunglei DRDA Conference Hall ah Loksabha MP Pu C.L Ruala hovin District Vigilance & Monitoring Committee neih ani a, Metting hi Lunglei Bawrhsap Pu V.Sapchhunga, IAS in kai hruaiin works department hotu te leh NGO’s hruaitu ten Lunglei District chhunga sawrkar hmalakna kal mek leh hna thawh zawh chungchang an sawi ho a ni.

MP chuan central sawrkar kaltlanga hmalakna tam ber te chu hnathawh-that dan endik a tanpuina pek a nih avangin tun aia tan lak nasat a ngaihthu a sawi a, Department hotuten an hmalakna kawng a harsatna awm te chu ngaithla in a theih anga hmalak pui a inhuam thu a sawi a ni. Tunlai a Mizoram in harsatna a tawh zingah Job Card diklo leh ration card diklo te chu enfiah leh chinfel hmasak a tul thu a sawi.

Vawiin a District Vigillance & Monitoring Committee ah hian Agenda 12 a awm a. Agenda zinga ngaih pawimawh deuh te chu MGNREGS, IAY, SGSY, PMGSY, ARWSP & TSC, NRHM & RGGVY leh NSAP hnuaia hna kal pui mek te an ni. Report a tarlan dan in Lunglei District chhung a hna thawh te chu a tha thawkhat a, tan lak erawh a tul thu MP chuan a sawi a ni.

Meeting ah hian Project Dorector, DRDA, Lunglei, Lunglei BDO, Hnahthial BDO, CMO, DHO, EE PHE, EE PWD, District Soil & Water Conservation officer, District Social welfare officer leh NGO hruaitu te an tel tha hle.