Vawiin chawhnu dar 1.00 khan Disciples Society (DTI) chuan Lalzarmawia Hall, DTI, Neihbawih-ah an din champhaphak vawi 13-na an hmang a. He hun hi Art & Culture Minister Pu PC Zoramsangliana’n a hman pui a ni.

DTI hi 2nd February, 1998 khan mi thahnemngaite chuan kohhran huang pawn lama thalaite enkawlna leh kaihhruaina fel buatsaih a tulzia hriaiin an din a; sawrkar-ah inziaklutin, kohhran mitmei veng tak chungin an rawngbawlsakte hnena – Kristian nun nghet nei tura buatsaih leh tanpui te; Lal Isua hnung zui leh a rawngbawl zirtir te leh missionary atana buatsaih leh a remchan ang zela tirhchhuah – te chu a thil tumte a ni.. DTI hian tun thleng hian zirlai 973 an nei tawh a; an hnena zir chhuakte hi missionary te an ni a; mi tam tak chu kohhran leh tlawmngai pawl hrang hrang hnuaiah an thawk mek a ni.

Vawiina DTI Rising Day lawmna inkhawm hi an Chairman Upa Lalhuapzauva’n a kaihruai a, Vice Chairman Pu Lal Thanzaran palaite lawmna thu a sawi a ni.