Vawiin chawhma dar 11:00 khan Lunglei Circuit Conference Hall ah Mizoram MP pahnih Pu C.L. Ruala, MP Lok Sabha leh Pu Lalhmingliana, MP, Rajya Sabha te kaihhruaina in Lunglei District chhunga sawrkar in hmasawnna Programme hrang hrang a kalpui mek te endiktu Committee an thukhawm. Meeting tan anih hian Parliamentary Secretary Pu, Chawngtinthanga (L) sunna leh zahna lantirna hun hman hmasak a ni.

Lunglei District Vigilance & Monitoring Committee ah hian Agenda item 12 sawiho na neih a ni a. MGNREGA, IAY, SGSY, IWMP, NRDWP, PMGSY leh Dist. chhung a sawrkar hmalakna thenkhat te zirchianna leh sawihona neih a nih bakah rawtna te siam a ni. MP Pu C.L. Ruala chuan Foreigner tam tak Mizoram ah an awm mek a. Heng mite hian Mizoram tan ei leh bar, sawrkarin hmasawnna programme a kalpui thenkhat ah leh himna thu hla ah harsatna tam tak min siam tawh a ni a ti. MP Pu Lalhmingliana pawhin Mizoram chu a Population nena inmil thei manglo JOB CARD tam tham tak nei kan nih thu a sawi. Hei hi thil mawilo leh siam that ngai a nih bakah mi vantlang BPL member nih zaklo te kan awm leh zel a, thil pawi tak a ni a ti. BPL member te pawh nih loh ngam kan inzirtir a hun tawh ani a ti.

Bawrhsap Pu V.Sapchhunga pawhin Foreigner tam tak JOB CARD nei leh EPIC (Voter ID) pakhat aia tam neite pawh an awm niin report a dawn thu a sawi a. He thil thalo hmuchhuak tur hian sawrkar in India khua leh tui te puihna a mamawh thu a sawi bawk.

Report a tarlan dan chuan NRDWP hnuai ah Rs. 490.13 lakh sengin August 2012 thleng khan PHE Department chuan Lunglei District khaw 18 ah tui in tur thianghlim lak nan hna a thawk mek a. PWD pawhin Lunglei District-a hmun 11 ah kawng 139.915kms. PMGSY sum Rs.64.445 crore sengin laih hna a thawk mek a ni.

Tun dinhmun ah Lunglei District chhung ah JOB CARD nei 32297 an awm a. Kumin August thla khan NREGA sum Lunglei District in a neih Rs.3139.262 lakhs atanga Rs. 1682.519 lakhs chu hman tawh a ni. NREGA sum hmang hian August thla thleng khan hna 547 siam zinga hna 356 chu thawh zawh a ni tawh a ni. IAY sum Rs.120.665 lakh senral tawh atangin August thla thleng a in thar sak zawh tawh zat chu 199 ni in inhlui thawm that sak 161 a ni tawh a ni.

Meeting ah hian DRDA, PWD, PHE, Soil, AH & Vety, Horticulture, BDO te leh AMFU hruaitu te an tel a ni.

Attachment

  • Loading attachment...