Vawiin Chawhma dar 10:30 khan Lunglei Circuit House Conference Hall ah Pu C.L Ruala, MP, Lok Sabha hovin District Vigilance & Monitoring Commitee (DVMC) meeting neih a ni a, meeting ah hian Co-Chariman Pu Lalhmingliana, MP, Rajya Sabha, bakah AH & Vety Minister Pu Nihar Kanti Chakma,, Parliamentary Secretary Pu S.Laldingliana, Lunglei HPC Vice Chairman Pu Joseph Lalhimpuia leh Dr.R.Lalthangliana, MLA te an tel. MNREGA, IAY, SGSY leh IWMP District chhung a kalpui mek leh hmalak dan tur chungchangte vawiina meeting ah hian sawi ho a ni.

Pu C.L Ruala MP, Lok Sabha chuan MNREGA thil tum ber chu hna thawh tur neilo te tan hlawh neia hna thawh tir anih rualin vantlang tana rotling siamna hmanrua a hman thiam kan tum tur a ni a ti. Sawrkar hnathawkte tan eizawnna dang an vawn conduct rules in a phal sak loh avangin NREGA beisei ve lo se a ti a. Pu Lalhmingliana, MP, Rajya Sabha pawhin ni 100 inhlawhna hmang a kawng laih chu a thui tawk tawh thu leh mimal ram leh huan rotling a siam nan kan her rem tan a ngai a ni a ti.

Committee ah hian IAY tanpuina dawngtute zingah chenna In sa leh silo te hremna dan awm mai lo chu a fuh loh thu sawi lang a ni a.Dan bawhchhiatute erawh chu sawrkar dan dinglai anga hrem theih an nih thu sawilang a ni bawk. Lunglei DC Pu V.Sapchhunga, IAS in Job Card lem leh Ration Card lem an dap chhuah dan report pe in heng Job Card lem leh Ration Card lem te hi DVMC meeting chuan tih chhiat nghal vek turin a rela ni . DRDA report a tarlan dan chuan Lunglei Dsitrict ah Job Card nei 32965 a awm mek a ni. Pu V.Lalsangliana, PD, DRDA chuan ni 100 inhlawhna Lunglei District ah ni 70 kalpui mek anih thu leh sawrkar kum tawp hmain ni 100 hna thawh tir hman tum a nih thu a sawi.