Vawiin chawhma dar 11 : 00 khan D.Cs Conference Room, Saiha-ah “Road Safety Week, 2012” kharna inkhawm chu neih a ni.

He Week kharna inkhawm hi Pu Donny Lalruatsanga MCS, DTO Saiha, chuan a kaihruaia kum kalta chhunga department hmalakna hrang hrang report tawi pe in dan bawhchhia a lirthei khalhtu an man zat pawh 14 anih thu a sawi ani. He Week kharna inkhawm a khuallian District Bawrhsap Pu Kunal IAS chuan thu sawiin Road Safety Week hian mihring nunna nen inzawmna a nei ani, tiin lirthei khalh hi game ang mai ani ati a, fimkhur a ngaih thu a sawi bawk. Engvanginnge dan leh hrai te an siam kan tih chuan lirthei khalhtute leh passengers te himtlan nan ani ati bawk. Driver ten Motor an khalh chhunga an hriattur hrang hrang te sawilangin rui chunga motor khalh lo tur leh VIP leh Emergency Motor te ken thiam a pawimawh thu a sawi bawk. Lirthei khalh chunga Mobile Phone zai ring tak tak a ngaihthlak te pawhin accident a thlen theih thu a sawi bawk. Driver te chu Foreingners lo kalte enkawl thei tura English leh Hindi te thiam tum turin a chah bawk ani.He hunah hian Tv Solomon Beihlotha hnenah Road Safety Week neih chhunga mipuite hnena zirtirna thuziak tha tak tak chanchinbu a, a ziah thin a vangin lawmman pek ani a. District chhunga Driver tha ber thlanchhuah te hnenah lawmman semna neih nghal ani a, chung lawmman dawngtute chu- Taxi - F.Lalvenpuia, Bus- Hrihlo, Maxi-Cab- R.Hmingsangluaia, Auto Rickshow - C.Lalropuia te niin hengte hian lawmman tangkafai leh certificate an dawnga lawmman te hi khuallian hian a semnghal ani.

President, SAROA Saiha District leh MGDA Saiha District hruaitute hnen atangin thusawi tawi ngaih thlak ani bawk. Zaithiam tak tak te zai ngaihthlak ani a, “Accident Brings Tears, Safety Brings Cheers” tih thupui hmangin Pu Benjamin Lalhmingsanga, MVI, Saiha chuan paper a present a, he hunah hian School naupangte leh mi thahnem tak an tel a ni.