Vawin chawhma Dar 11:30 khan Lunglei Village Council Association Conference neih ani. Pu VL.Lalnghaksanga President Lunglei District Village Council Association in inkhawm hi kaihruaiin Pu P.C.Lalthanliana Minister LAD chu khual lian ni in Pu S.Laldingliana, Parliament Secretary chu khual zahawm a ni.

Khuallian chuan thusawi in mipui rawng kan bawl na kawng ah chak zawk leh hmasawn zawk a hna kan thawh a tul a ni a ti a, VC leh member ten mahni hamthatna leh mahni tang hma chauh hai a kan thawh hi a rem lo a ni a ti. 13th Finance Comission atangin kum tin sum hmuh thin a ni a, chung sum te chu a nih na tur ang tak leh khawtlang hmasawn nan chauh a hmang turin VC kal khawm te hi a chah a ni. Kan nula leh tlangval te hawi thawven na tur Park tha neih theih na kawng ah VC tin te chu ngaihtuahna seng theuh turin a duh thu a sawi a, Park siam te chu Sorkar in a puih tur thu kalkhawm te hi a hrilh ani. 13th Finance Commission in VC hna thawk tha (Perfomance Grant) te hnen ah sum a dah sak thin a, dawng pha theuh tur in VC tin te hi a chah a, thahnem in ngaih phawt chuan kan ram in hma a sawn ang a ti.

Khual zahawm Pu S.Laldingliana Parliamentary Secretary pawh in thusawi in VC te hi mipuite rawngbawlna ah leh hmasawnna kawng ah mawhphurhna lian tak in nei a, VC te an fel phawt chuan khua a nuam ang a, hma a sawn bawk ang. In kut a thuneihna awm te hi in hman thiam phawt chuan hlawhtlin ngei a ring. NLUP pawh a mamawh tute hnen ah pek leh a ni dawn a, NLUP hlawhtlin leh tlin loh ah hian VC te hian mawhphurh na in nei ve a ni a ti. Chawhnu ah inthlanna nei in 2012-2015 a tan a LDVCA hruaitu an thlan te chu President- KL Chhawnzauva, Zobawk. Vice President- B.Lalramliana, Salem. Treasurer - T.Lalnunsanga, Electric Veng te an ni.