Ni 29-30 June, 2012 khan High Powered Committee, Lunglei chuan kum 2010 - 2011 atan a Tlabung khaw chhunga an hnathawhte endikin hetah hian Pu C. Robuanga, Member, HPC, Lunglei leh HPC official ten a hmunah kalin hnathawh hrang hrangte hi an endik a.

Tlabung ah hian HPC Fund atangin Tlabung khawchhung inkalpawhna kawng te, 63KV Transformer thar te, Mual chei thatna te, Tlabung a Marboat thar service tur te leh hna hrang hrang Rs. 47 lakhs hmanna te chu a hmun ngeiah kalin an endik a. He hna endiknaah hian Tlabung a sorkar department hrang hranga officer te leh Tlabung VCP ten an lo tawiawm bawk a ni.Tlabunga hnathawh hrang hrangte hi tha an ti hle a. Amaherawh chu Marboat sak peih sa vek tawh chu tuilian vangin tuiah a tla / pil a, hei hi lak chhuah leh tawh niin siam that ngai engemaw zat a awm a. He Marboat hi HPC Fund atang chuan tha tak leh rintlak tak a sa tura beisei leh pawisa pawh dah a nih laiin a hmarua duhthu sam lo thenkhat a awm a, hmanrawh tha zawk a thuam that leh ngei nise tih an duh thu an sawi bawk a ni.