Vawiin khan Joint Electricity Regulatory Commission (JERC) for Manipur and Mizoram chuan I& PR Conference Hall-ah Power & Electricity Department in kawlphetha hman man tisang tum a an dilna (petition) chungchangah Public Hearing an nei a. NGO hrang hrang hruaitute bakah official engemaw zat an tel.

Power & Electricity Department rawtna ang chuan a tlangpui thu a Electric bill punna tur chu 10.16 % a ni ang. Domestic bikah chuan connected load 1 KW nei, 50 unit hmang te tan bill punna tur chu Rs. 12.50 a ni ang a, 100 unit hmang te tan Rs. 25.00, 200 unit hmangte tan Rs. 60.00 a ni ang a, 201 unit hmangte tan a punna chu Rs. 80.40 a ni ang.

He taffic thar hi JERC-in a ngaihtuah mek a, ni 15 chhungin tih fel a tum a. Ruahman dan chuan August ni 1 atanga hman tan tum a ni.