Vawiin khan State Election Commissioner Pu C.Ropianga hovin a chamber ah Aizawl District huam chhung a khaw 13 leh Kolasib District chhunga khaw 2 a vaiin khaw 15 a Village Council te inthlan hun 22nd February 2012 a, thla 6 atana State Election Commission in a sawn sak chungchang an sawi ho.

He hun tiam hi August thla laihawl vela tawp tur a ni a. Tichuan heng khuaah te hian VC inthlanna hi buatsaih ni dawn se a remchang thei ang em tih ngun takin an sawiho a. Fur khaw chen lai a nih dawn avangin veivahna lamah te harsatna awm thei a ni a. Chu bakah chuan inbuatsaihna atan hun a lo bichilh tawh bawk nen thla 3 (thum)dang pawhsei leh mai tha an ti a. Hemi hun chhung remchang hmasaah inthlanna hi buatsaih mai nise tiin Sorkar ah thurawn ( recommend) a pe ta a ni.