No.3566/2020-2020

Lunglei the 29th, July’2020: Vawiin chawhnu khan DC’s Conference Hall, Lunglei ah Pu V.Lalsangliana, Deputy Commissioner, Lunglei in Lunglei District Village Council Final Electoral Roll, 2020 a tlangzarhna a nei. He tlangzarhna ah hian ERO’s, AERO’s, Political Party hrang hrang aiawh, YMA, MHIP leh MJA te an tel ani.

VC Electoral Roll tlangzarh inkhawm hi Pu James Miahlung, Election Officer, Lunglei in kaihruaiin Pu V. Lalsangliana chuan ram inrelbawlna ah VC Election hi a pawimawh hle a, ram hmasawn tur hian a bulthut VC te atanga tan a ngaih thu a sawi a, kan hma lawk ah VC Election kan nei dawn a, chuta tana Electoral Roll dik leh felfai tak buatsaih anih avangin lawmawm ati a, Roll buaipuitu official leh party hrang hrang te puina ah lawmthu a sawi ani. VC Roll hi party hrang hrang ten hmang tangkai theuh turin a duh thu a sawi bawk ani.

Lunglei District ah hian Village Council 113 a awm a, chhungkua 30030 awmin Polling Booth 124 a awm ani. Draft Roll ah Voter 87185 awmin Final Roll ah 87460 an awm a, Voter Mipa 43585 niin Hmeichhia 43875 an awm a, Voter punna hi 275 niin 0.32% a ni.