2243/2024-2025

2024 Mimkut thla ni 26: Lunglei District Transport Officer Pu Beitlotha Nohro chuan September ni 24, 2024 khan 'Hriattirna' chhuahin, tun lai kawng chhia leh oil man sang chhuanlamin State Transport Authority hriatpuina tel lovin veivak phur lirthei (passenger vehicle)-te zingah chuan man (fare) lo tisang an awm tih hriat a nih thu leh hei hi dan kalh a nih avangin Govt Approved Rate anga tlan ṭheuh turin veivak phur lirtheite hriattir nawn an nih thu a tar lang a. Rate sanga tlan lui an la awm fo a nih chuan an chungah action lak a lo nih pawhin an sawi buai thei lo ang tih a tar lang.

Chuan man bithliah aia sanga tlan an awm chuan Pu Lalthlamuana, Enforcement Inspector, Contact-6009279108 hnenah mipuite pawhin complain theih a nih thu tar langin, a hnuaia No.B.20011/2/2023 FRP of 05.03.2024-in passenger service vehicle chuan man (fare)-a tar lan ang hian tlan ṭheuh turin lirthei neitute a hriattir a ni.