Tukin khan Lunglei East bialtu MLA leh HPC Vice Chairman niu bawk Pu Lawmawma Tochhawng leh Lunglei South bialtu MLA Dr.K.Pachhunga te chuan PWD hotute nen Lunglei chhimlam veng thenkhat a kawngpui leh tuihawk luankawr siam that ngai zual laite tlawhin a siam that dan tur an enfiah.

HPC Vice Chairman Pu Lawmawma Tochhawng chuan District road leh veng chuan hnuai zawkte inkal pawhna kawng te chu hun rei tak siam that tawh loh a tam avangin hmalakna tur a tam thu a sawi a, fur ruah tui thlen hma ngei a a pawimawh chinte siam that a nih theih nana hmala turin Department hotute hi an ngen a,Department hotute pawhin theihtawp chhuah a hmalak an tum thu an sawi bawk.

Vawiina culvert leh side drain bakah kawngpui siamthat ngai te hi PWD Department bakah HPC atanga siam tura ruahman an ni a, PWD Lunglei hotute chuan a siam that dan tur ruahmanna a hma thei ang bera peih an tum thu an sawi a, Veng thenkhata Motor luh theih lohna kawng thenkhat tih zau a Lirthei tlan theih tura siam tur ruahmanna te pawh en nghal a ni.