Vawiin khan Champhai DC Conference Hall-ah Pu Biaktluanga, IAS, Commissioner & Secretary, I&PR, Higher& Technical Education leh Champhai District Electoral Roll Observer ni bawk hovin Special Summary of Electoral Roll 2019 chungchang sawihona leh inrawnkhawmna hun neih a ni.  He hunah hian Champhai  District chhunga Election Official, Political Party aiawh leh NGO hruaitute an tel a ni.

Pu Biaktluanga chuan  Electoral Roll siam that endik leh sawihona  hun chu a tah tawla neih anih tur thu leh hengah te hian Political party aiawh, NGO, BLO, AERO leh ERO te thawhhona tha a pawimawh thu a sawi a. Election Commission of India duhdan angin Roll a lut tur, paih ngai leh siamthat ngaite  saim that leh abik takin kum tling thar School leh College zirlaite a tam thei ang ber thun chu ngaihpawimawh a ni, a ti a. Champhai District Electoral Roll Observer chuan Electoral Roll siam that hna chu uluk taka kalpuia Roll dik leh felfai zawk, tihdiklo leh siamthat ngai awm lo thei ang  ber peihfel a pawimawh thu a sawi a. Hun hlu tak senga Political party aiawh leh NGO hotute tawiawmnaah lawmthu sawiin a hnena harsatna leh tul an thlente chu lo bawhzui sak a tum thu a sawi a ni.

He hunah hian Pu Abraham Beirazi Khithie, Election Officer, Champhai District chuan Special Summary Electoral Roll kalpui meka hriat tur pawimawh leh hmabak awmte sawifiahna a nei a. Champhai District chhunga Assembly Constituency  pangaahte  ERO leh AERO ruat vek an nih thu sawiin, Polling Station 137 ah te BLO 137 ruat an nih thu leh BLO 133 te chu Zirtirtu niin, a bak 4 chu Sawrkar hnathawk Zirtirtu ni lote an ni, a ti a. Kum tling tharte hnehah zau zawka zirtirna pek tum anih thu leh National Voters Day tun thla Ni 25 a hman tur pawh urhsun taka hman anih theihna turin College lam hotute nen pawh ruahmanna siam a nih thu a tarlang bawk.

Meeting zawh hnu hian Pu Biaktluanga chuan 24/2- Govt Bethel Primary School-VI  Polling Station chu tlawhin a enfiah nghal a ni.  

Tun dinhmunah Champhai District pumah Census tlai berin a tarlan dan chuan Mipa 1000 zelah Hmeichhia 982 an awm mek a, Electoral Roll-ah erawh Mipa 1000 zelah Hmeichhia 1021 an awm mek thung a ni. District chhunga Mipui za zela 57.6 chu Vote nei an ni bawk. Electoral Roll siam that hna leh Election kaihhnawih thil zawh duh nei leh thu thlen duh neite tan District Contact Centre Toll Free Number, 03831-1950 ah zing dar 9 atanga zan dar 9 thlenga thlen theih a ni a, a huap zau thei ang bera hman tangkai anih theihna turin District Contact Centre hi thuam famkim tum niin hmanraw mamawh leh thawktute dah tur a ni a, National Voters’ Day, 2019 hman hunah tlangzarhna neih tum a ni.  

Roll-a la awm ve lote tan January Ni 1, 2019 qualifying date a hmanga  inziahluh theih  a ni a. Heng bakah hian Roll atanga paih emaw, siam that emaw tih theih niin,  Roll-a la awmlote tana luh theihna hun hawn mek a ni a,  remchanglote pawh an chhungten an dil sak a theih a ni. 

Ruahman dan chuan Special Summary Revision of Photo E/Rolls 2019 hnuaiah December Ni 28, 2018 atanga January Ni 25, 2019 chhungin dilna, siam that, thuthlen duh leh sawi duh neite tan hun hawn a ni a. Chung thu thlente chu Fenbruary Ni 11, 2019 hmain tihfel vek hman tur a ni a. February Ni 18, 2019 thlengin Database te siam that niin supplement te chhhutchhuah vek hman tum a ni a. Electoral Roll siam that leh a thar ber Final Publication of Electoral Roll chu February Ni 22, 2019 ah neih tur a ni ang.