Lunglei Electric Veng Branch YMA te rama NABARD loan hmanga Agriculture Market sak tur ruahmanna kal mek zelah, tukin khan Commerce and Industries department aiawh te leh NABARD hotuten a hmunah an enfiah.
Agriculture Market sakna tur ram hi Electric Veng Branch YMA ten an sum sengin kum 2015 khan an lei a. Tunah Parliamentary Secretary leh bialtu MLA ni bawk Pu Joseph Lalhimpuia hmalakna in cheng vaibelchhe 7 vel bawr senga Agriculture Market sak tum a ni. Lunglei leh a chhehvela kuthnathawktuten an thei leh thlai thar chhuah te awlsawm zawkin an tiral thei dawn a ni. He building ah hian Agriculture Market bakah Training and Conference Hall, Accounts & Treasuries Office leh lirthei dahna tur zau tak awm tura ruahman a ni.
Er. Samuel Lalrawngbawla, A.E., Marketing Officer Pu Lalthangkima Chenkual, Pu Lalrokunga Chhakchhuak, District Development Manager (NABARD), NABCONS consultant te bakah khawtlang hruaitute an tel a ni.
