Nihnih awh tur Mizoram Chhim lam District pathum te tana buatsaih Inspire Award 2010 District Level Science Exibition chu vawiin chawhma dar 10:30 khan HPC Vice Chairman Pu Joseph Lalhimpuia'n a hawng. Hawnna inkhawm Govt. High School Lunglei a neih hi S.T Zaduna DEO Lunglei in a kaihruai a.
HPC Vice Chairman chuan hawnna thu sawiin, Mizoram chhim lam District pathuma school naupang te tan Lunglei ah Science Exibition buatsaih a ni chu lawmawm a tih thu sawiin, heng District pathum-ah hian talent tha tak tak a awm tih hmuhchhuah mek zel a ni a, zirlai naupang te pawhin chu chu hre rengin rampum huap pawhin dinhmun tha takah kan din thei tih rilru kan pu tur a ni a ti. A sawi zelna ah Pu Mahima chuan, sawrkarin zirlaite hamthatna tur ruahmanna chi hrang hrang a siam te zirlaiten an hmuh a an chan ngei theihna turin zirtirtute leh department lama thawktute thahnemngaihna a pawimawh a ni tiin, naupang tha tak nei tur pawhin zirtirtuten tan an lak a ngai a ni a ti bawk. Zirlai naupang ten ngaihtuahna tha tak kan neih hi ram leh khawtlang, chhungkaw tana tangkai taka kan hman theihna turin tumruhna, leh taihmakna kan neih a ngai a, ruihtheih thil lak atang phei chuan kan in thiarfihlim tur a ni. Eng sawrkarah pawh Zirtirtu tam berin khawpui a awm vek an tum thin avanga thingtlang lam school ten harsatna an tawh phah thin chungchangah hetiang harsatna pumpelh a nih theih nan sawrkar chuan ruahmanna thar a neih mek thu HPC Vice Chairman hian a sawi a ni. Hei bakah Mizoram chhim lam District pathum te tan tlawmngai pawl leh mithahnemngai te zarah Lunglei ah MPSC Exam centre kan nei ve a, amaherawhchu exam kan tlem thin lutuk hi a pawi hle a ni , mi neih ang neih duhna thinlung chauh pu lovin, a hlawhtlinna tur leh enkawl zui kawngah theihtawp chhuah zui nachang kan hriat a tul tawh a ni a ti bawk.
Vawiin a Science Exhibition hawnna inkhawm ah hian SCERT Dy.Director Pu Chauhan-a pawhin thu sawiin, Inspire Award 2010 District Level science Exhibition hi vawi 4 buatsaih a nih tawh thu leh tun tum a Lunglei a buatsaih chu a vawi 5-na a ni tiin, sawrkar laipui chuan science thiamna lama hmasawnna tur hian Mizoram a zirlai naupangte tan cheng nuai 79.45 a pek thu a sawi bawk. Chhim lampang District pathum te tana Science Exhibiton Gov't High School a neihah hian Lunglei, Lawngtlai leh Saiha District atanga school 85 atanga naupang kalkhawm te chuan thil chi hrang hrang 171 an entir a, heta titha mi 5 te chu State Level June ni 27-29 ah Aizawl ah neih turah Lunglei District aiawhin an tel dawn a ni.
Vawiin a Science Exhibition hawnna inkhawm ah hian SCERT Dy.Director Pu Chauhan-a pawhin thu sawiin, Inspire Award 2010 District Level science Exhibition hi vawi 4 buatsaih a nih tawh thu leh tun tum a Lunglei a buatsaih chu a vawi 5-na a ni tiin, sawrkar laipui chuan science thiamna lama hmasawnna tur hian Mizoram a zirlai naupangte tan cheng nuai 79.45 a pek thu a sawi bawk. Chhim lampang District pathum te tana Science Exhibiton Gov't High School a neihah hian Lunglei, Lawngtlai leh Saiha District atanga school 85 atanga naupang kalkhawm te chuan thil chi hrang hrang 171 an entir a, heta titha mi 5 te chu State Level June ni 27-29 ah Aizawl ah neih turah Lunglei District aiawhin an tel dawn a ni.
