Vawiin khan Lunglei Government College RUSA Multipurpose Hall ah Socio Economic and Political Developments in Mizoram After The Peace Accord, 1986 ; Issues and Challenges tih thupui hmangin National Level Seminar neih a ni.

He Seminar hawnna inkhawm Dr.H.Lalnunmawii, Associate Professor, Convener, Seminar, Research and Publication Committee, Gov’t College kaihhruaiah hian Pi Lalhmangaihi Hrahsel, Principal, Lunglei Government College in kalkhawmte lawmna thu sawiin UGC Sponsored National Level Seminar a paper present tur a lokal zawng zawng te hnen ah lawmthu a sawi a, Mizoram pawn lam atanga mithiamte, Mizoram University leh college hrang hrang atanga lokal te hnen ah lawmthu a sawi bawk a ni. Seminar hlawhtlin theih nana a thlengtu Lunglei Gov’t College thawktu te thawh hona ah lawmthu a sawi. Seminar hian rah tha a chhuah ngei ang tih a sawi bawk.

Pu R.Lalrosanga, Director (Rtd), H&TE chuan key note address nei in seminar hlawhtling tak a nih ngei a beisei thu a sawi. Rambuai avangin Mizoram ah hmasawnna a chak thei lova, inremna (Peace Accord) siam a nih hnu ah chuan hmasawnna a kal chak a, mimal sum thawhchhuah nasa takin a pung a, Sawrkar hmalakna pawh in nasa takin a hlawhtlin phah a ni. Mihring leh ram hmasawnna tur in mipui leh sawrkar in mawhphurhna a neih te tha tak a tih hlawhtlin zel hi a tul takzet a ni, a ti bawk.

He seminar hi session thum a then a ni a, session khat na ah hian Dr.DK Jha, Associate professor, member SR&PC, LGC chu chairman ni in, Dr.Debasish Purkayashtha, Faculty, Dept. Of Sociology, KK. Handique State Open University, Cachar College, Study Centre, Pu.Lallianchhunga, Asst. Professor, Dept. Of Pol. Science, MZU, Pu T.Lalremruata, research Scholar, Dept of Political Science, MZU leh Pu Jerry Lalmuansanga, M.Phil Scholar, Dept. Of Political Science, MZU ten paper present na an nei a ni. Session hnih na ah KC.Lalruatkima, Asst, Professor & Member, SR&PC, LGC chu chairman ni in Dr.David V Khiangte, Asst Professor, Dept of P.A, Gov’t Lawngtlai College, Pu Letkholun Haokip, Research Scholar, Dept of Political Science, MZU leh Pu Hmangaihsanga Royte, Asst Professor, Helen Lowry College, Aizawl ten paper an present a ni. Session thumna ah Dr.Lalfakawma, Associate Professor, Dept of Social Work, HATIM, Pu Rosangliana Khiangte, Asst Professor, Dept of Social Work, HATIM leh Pu Ramnundanga Hlychho, Asst Professor, Dept of Commerce, HATIM ten paper present na an nei bawk a ni.