Sangha chi-a intodelh beihpui thlak kalzelah vawiin hian Fisheries Department, Serchhip District-te chuan I&PR Conference Hall, Serchhip- ah Sangha chi thar chhuah dan tur inzirtirna hun an buatsaih.

Pu B.Vanlalnela, Fisheries Extension Officer, Serchhip chuan Sangha vulh chu eizawnnna tlak anih thu leh  Sangha chi-ah kuthnathawktute kan intodelh a, eizawnna ngel nghet kan neih theih nan Department-in theih tawp a chhuah zel thu a sawi a. Dila Sangha khawi chi Common Carp (Sangha sen) te inthlah chhawn hunlai anih avangin Department Technical mite leh Farmers ten Sangha sen (Common Carp) a kan intodelh theih dan tur leh hmalak dan tur te sawi ho tura he hun hi buatsaih anih thu a sawi bawk.

He hunah hian District chhung khaw hrang hranga sangha dil nei, a chi siam chhuak mai thei tura beiseite an tel a. Fisheries mithiam ten a lem nen entirin zirtirna an pe ani.

He hun hman zawh hian Sangha dil ah kalin hmalak dan tur inkawh hmuhna leh inhrilhhriatna hun an hmang chhunzawm a. Sangha chi a intodelh mai pawh nilo, a mamawhte hnena hralh chhuak thei tura tan lak an tum thu leh an hun hman chu hlawk thlak an tih thu an sawi a ni.