Vawiin khan Lunglei Gov't College leh MSACS te tangkawpin Lunglei Gov't College Faculty te tan Sensitization workshop on HIV / AIDS Programme buatsaih a ni a. He Sensitization Workshop hi Session hnihah then niin 1st Session hi dar 11 am ah tan a ni a, 2nd session hi dar 2 pm ah tan a ni bawk a ni. He sensitization workshop hi Pu R. Lalrochama, Asso. Prof. LGC in khaihruaiin Principal Pi Lalhmangaihi Hrahsel in Welcome Speech a sawi a, workshop hi tan a ni.

He Sensitization Workshop-ah hian Pu Alan Lalmuanpuia State TI Coordinator North East Technical Support Unit ( NETSU ) - NACO chu Resource Person a ni a. HIV / AIDS chungchang zirhona hlawkthlak tak neih a ni a. He hunah hian Pu R.Laltanpuia, DPO, NACO leh H.Lalroluahpuia, M&E Officer te an tel bawk a ni.

Mizoram hi India rampumah Hiv+ rate ah kan san ber thu te leh Lunglei District pawh kum kalta te zawng zawng aia kan san tak thu te, HIV pun lama kan ṭhan chak dan te leh hmalak a ṭul zia te ngaihthlak niin Mizoram HIV/AIDS statistic hrang hrangte thlirhona neih a ni a. Hmalak mek a nih dan te leh Mizoram, Lunglei, Zirna in leh zirlaite hnena hmalak dan tur hrang hrangte sawihona hlawkthlak tak neih a ni bawk.