Vawiin chawhma khan D.C Conference Hall ah Dr. Ankita Chakravarty, IAS, Deputy Commissioner, Lunglei Kaihhruainna in Lunglei Town Planning Authority ten Mizoram Urban Areas(Land Development, Landslide Prevention &Mitigation) Rules 2017 angin District Headquarter ah  Planning Authority siam dan tur ngaihtuah a ni.

Pu Andrew Lalhruaia, District Urban Development Officer,UD&PA Department, Lunglei chuan Mizoram Urban and Regional Development Act, 1990  hmangin The Mizoram Urban Areas (Land Development, Landslide Prevention and Migitation ) Rules,2017 chu Mizoram khawpui zawng zawng a hman tur tih anih thu a sawi a.Khawpui thanna leh awmzia nei zawk a building sak bakah leimin  awmlo na tura hmalak nise. He rules hian Site Development hna, lei laih, lei chhunkhah leh lei laih hna hrang hrang te huamin leimin laka inven leh laih   phalloh te a tel . He rules hian Development hna hrang hrang Central, State leh mi tu pawhin an thawh dawn chuan phalna lak angaih thu a sawi. Building sak dawn in thuneitu te hnen atanga phalna lak ngaih dan bak ah awihpang ah te building sak phallo a ni bawk. Building registration leh licence fee pek a ngai thu sawiin, hei hian Assam type in a huam lo ani. He rules hi mipui  leh VC te hnenah awareness pek ni se, Rules ken kawh theihna turin mamawh hrang hrang thuneitu te hnena thlen  tura tih  ani.