Higher & Technical Education(H&TE) Department chuan July ni 29 a Lunglei chanchinbu hrang hrang a Lunglei Govt. College Students Union ten sawrkar thuchhuah an hal thu lo lang chu pawi a ti a. Hemi chungchang ah hian thuchhuah a siam a ni.

H&TE department chuan Regularization Of Contract Employees Rules hmangin Assistant Professor 31 te chu post nghet ruak 31 hnawhkhah nan a dah nghet a. Sawrkarin a dahngheh takte zingah hian Lunglei Government College a Assistant Professor, contract a thawk mek te pawh an tel a ni. Post nghet ruak hnawhkhah ngai te hi hmun hrang hranga Sawrkar college a mi te a nih avangin Lunglei Government College a contract a thawk mek, zirtirtute pawh an hna nghet hmuh na hmunah an pan a ngaih tak thu a tarlang a. Lunglei Government College a Zirtirtu indaihlohna chu sawrkarin a hria a . Remchang zawk ruahhman in dt 25.07.2014 khan Sawrkar chuan order thar a chhuah a ni.

Hun khaihlak laia thil awmdan hriatfiah tawk loh palh vanga Order copy-te hal a ni hi Sawrkar chuan pawi a ti tak zet a ni.