DIRECTORATE OF INFORMATION & PUBLIC RELATIONS, Government of Mizoram, India

185/2025-2026

Lunglei, 2025 Ṭau thla ni 16: Mizoram Legislative Assembly hnuaia Committee on Government Assurances chu vawiin khan an Chairman Pu V. Malsawmtluanga (Lunglei High Powered Committee Vice Chairman ni bawk) hovin Lunglei HPC Conference Hall-ah an ṭhu khawm.

Vawiina ṭhut khawm hi Mizoram Legislative Assembly Speaker phalnain, Assembly House precints pawn lama Assembly Committee on Government Assurances ṭhut khawm hmasak ber a ni a. Committee Chairman Pu V. Malsawmtluanga bakah, member - Adviser to Chief Minister (Health & Family Welfare & Agriculture) Dr Lorrain Lalpekliana Chinzah, Adviser to Chief Minister (Finance) Pu TBC Lalvenchhunga, Palak bialtu MLA Pu K. Hrahmo leh Lunglei South bialtu MLA Pu Lalramliana Papuia te leh Chairman rem tihnain special invitee - Adviser to Chief Minister (Technical) Pu H. Ginzalala te an tel a ni.

Vawiina Committee ṭhu khawm chuan nimin, April ni 15, 2025-a Ṭawipui South Wayside Restaurant leh Bungtlang South Tourist Lodge-a spot study visit an kalpui aṭanga an thil hmuh chhuahte zir hovin, hma lak zui dan tura ruahmanna leh rawtna an neihte an sawi ho bawk a ni.

Attachment