No.5359/2020-2021

Vawiin khan Lunglei HPC Office ruahmanin HPC Member-ten Lunglei khawpui leh a chhehvela kum 2019-2020 chhunga Department hrang hrangte hnathawh thnekhat enfiahin Site Visit an nei.

Vawiin Site Visit-ah hian HPC Member-te Team hnih ah inthenin Team-1 Pu Lalrotluanga kaihhruai chuan EE Building Division PWD Lunglei hnuaia hna kal mek pathum – State Sports Academy, Zobawk, College Auditorium cum Annexe Building, Lunglei Government College leh Saikuti Hall Renovation-te an enfiah a. Pu F.Lalzarmawia kaihhruai Team-2 chuan Power Maintenance Division-1, P&E hnuaia Construction of 132 kV Transmission Line from Melriat to Khawiva bakah UD&PA hnuaia veng hrang hranga Pedestrian Foothpath hnathawhte an enfiah a ni.

Site Visit-ah hian Implementing Department a hnathawkte, Project neitu Department hnathawkte leh contractor-te telin hna kal mek, hmalak tul te leh harsatna awm te sawiho niin Project-te hi uluk taka en hova sawiho niin tanrual dan tur leh thawhhona tha zawk neih nana hmalak tul te zalen taka sawiho a ni. Site Visit Team te hian HPC Vice Chairman hnenah report an thehlut dawn a ni.

29th & 30th July, 2020 khan Lunglei District huam chhunga Department zawng zawng-te hmasawnna hnathawh Development Project/ Schemes/ Programmes te zir hova hmalak ngaite sawihovin HPC Vice Chairman Pu Lawmawma Tochhawng leh Planning Secretary Dr C. Vanlalramsanga te kaihhruaiin ni hnih awh ‘Review Meeting’ neih alo ni tawh a. Vawiin Site Visit hi he hmalakna kal zel niin a tum ber chu Department hrang hrang te hmalakna chiang taka hriat a, an harsatna neihte sutkian theih dan ngaihtuah hova, a theih ang ang District level-a chinfel tuma, chin fel mai theihloh te State Sawrkar hotute hnena thlen sak a ni.