No.5360/2020-2021

Mamit 23rd September, 2020 : Vawiin khan DC Conference Hall, Mamit-ah Dr. Lalrozama, IAS, Mamit District Bawrhsap hovin COVID-19 chungchanga Contact Tracing-te tan Standard Operating Procedure (SOP) sawihona neia thutkhawm a ni.

Meeting kaihruaitu Dr. Lalrozama chuan fimkhurna chu he hri dona kawnga kan hmanraw tha ber anih thu sawiin thil basic tak Mask vuah, Social Distancing ngaihpawimaw, tul lova pawnchhuah leh tul lova punkhawm loh tum hram hram tura mipuite fuih turin Meeting a telte chu a chah a. Mahni theih ang anga lo inveng a, he hri hi kan lo kai palh anih pawhin midang kan kaidarh loh theih nana fimkhur taka khawsa tur kan ni tih hi thupui bera nei a, midangte hriattir leh zirtirna pawh kan mawhphurhna theuha ngai turin a chah nghal bawk.

Meeting-ah hian Mamit District chhunga hman tur Standard Operating Procedure (SOP) for Contact Tracing (COVID-19) inkaihhruaina tur duan chu sawiho niin VLTF-te leh Department-te mawhphurhna inpek nghal a ni a. Heng a hnuaia mi te hi hman tan nghal tura Meeting-ah hian pawm a ni.

1. Covid-19 Positive, Primary Contact an awmin chanchin kimchang Health Department-ah pek vat tur a ni a, Primary Contact chenna veng leh biak pawh theihna neih vat tur a ni. Health Department-in a tul angin Police leh VLTF-te nen hma an la ang.
2. Primary Contact chu amah a inkhunghrang nghal tur a ni.
3. Primary Contact-te chenna leh Contact Verification tih zawhin a kalna leh midang a contact chhui chhunzawm tur a ni. Health Department, Police leh VLTF te'n a tul angin hma an la ang.
4. Secondary Contact-te mahni inah lo inkhunghran phawt tur a ni. Health Department, Police leh VLTF te a tul anga Information inpek tawn zel tur a ni.
5. Inkhunghran lai hian VLTF te'n an lo vil chhunzawm anga, a remchan danin Health Department Staff te'n an vilpui bawk ang. Midangin an tlawhpawh lohna turin lehkha ziakin an in kawngka-ah chiang takin 'Home Quarantine, Tlawh phal loh' tih an tar tur a ni.
6. Covid-19 Positive, Primary Contact chu a tul dan azirin Rapid Antigen/RT PCR Test tih nise (contact anih atanga Ni 5 hnuah), Secondary Contact-te hi Primary Contact RAT/RT PCR a negative chuan RAT tih loh tur a ni ang a, nimahse, Covid-19 laka invenna dan Sawrkarin inkaihhruaina a siamte an lo zawm chhunzawm ang. Primary Contact kha a lo positive chuan Secondary Contact-te test tih tur a ni.
7. Contact Tracing hi felfai taka a tih theih loh chuan a tul dan angin Deputy Commissioner-in Containment Area-ah a puang ang.
8. Mizoram Sawrkar thuchhuah ang zulzui zela Contact Tracing, Quarantine, etc, kalpui thin tur a ni ang.
9. VLTF te'n District Magistrate thu lovin Lockdown emaw Containment Area puan loh tur a ni.
10. Contact Tracing, Covid-19 kaihhnawiha inbiakpawhna tha a awm theih nan Nodal Person te leh an Phone Number neih vek nise tih niin contact tracing chungchangah heng Nodal Officers-te hi a tul anga biakpawh theih an ni ang.

1. District Administration (DC Office) :
Name : Victor Lalawmpuia, SDO (Sadar), Mamit
Contact No : 9436198916

2. Police Department :
Name : Zoramthara, Addl.SP Mamit
Contact No : 9862769884

3. Local Administration Department :
Name : Tlangruala, DLAO Mamit
Contact No : 9436199949

4. Health Department :
Name : Dr. Lalmuanawma Jongte, SMO Mamit
Contact No : 8837483802

Vawiin thutkhawmah hian Addl.SP, CMO, DMS, DIPRO, Jt. VC Chairman, KHJC Chairman bakah Mamit khawpui chhung vengtina VLTF Chairman leh an aiawhte an tel a ni.