No.6073/2020-2021 

Vawiin khan P&E Minister Pu R.Lalzirliana chuan 132kV Single Circuit Transmission Line Melriat chu hawngin 132kV Sub-Station Melriat ah power Switch ON na a nei a,hemi rual hian Lunglei (Khawiva) lamah HPC Vice Chairman Pu Lawmawma Tochhawng hovin Power dawn lawmna Programme hman ve niin Melriat atanga Lunglei (Khawiva) Sub-Station-a power dawn a nih hnu in HPC Vice Chairman hian Lunglei khawchhung leh chhim lam power semdarhna a nei chhunzawm nghal a ni.

Vawiin program Lunglei Power Circle SE Er H.Zonunsanga kaihhruaiah Pu Lawmawma Tochhawng chuan 132kV Single Circuit Transmission Line Melriat to Khawiva hawn ani chu Mizoram mipuite, a bik takin chhimlam District mipuite tan hmasawnna mellung pawimawh tak a ni tiin he project ti puitling tura theihtawp chhuaha hnathawktu P&E Department chungah lawmthu a sawi a. He project ti hlawhtling tura hun leh tha leh ngaihtuahna nasa tak sengtu tlawmngai pawl,media te leh mimal thahnemngai te an fakawm a tih thu sawiin an chungah lawmthu a sawi bawk. 132kV Line Melriat to Khawiva tih hlawhtlin tak chuan sawrkar department hrang hrang leh kan economy ah nghawng tha tak a nei zel dawn a ni tiin industry,entrepreneur leh sumdawnna hrang hrang te pawh chak zawkin hma anla thei dawn a ni, a ti a. He 132kV line hi uluk taka enkawl chhunzawm tura chahin Department hnathawktute chu mamawh an neihte pawh inthlahrung lova a hnena thlen thin turin a chah bawk a ni.

Er. Zodingliana, EE Power Maintenance Division -II chuan Technical Report a pe a. Lunglei, Lawngtlai leh Siaha District pathum te hian power supply hi Aizawl Zuangtui S/S atangin Bukpui (Serchhip S/S) Khawiva S/S kal tlangin an hmu a. He line hi a hlui tawh in enkawl a ngai hautak hle mai a, rei tak tak power supply khaih lak chang a tam hle thin. Chumi chhawk nan chuan P&E Department chuan 132kV S/S Melriat-Khawiva line 110km a thui chu contractor M/s Tantia NMTPL(JV) Kolkata ten an thawk ta a ni. Harsatna tam tak ruahtui tam vanga kawng chhia, ram neitu te vanga harsatna te, Covid - 19 vanga harsatna etc, tam tak kar-ah 30^th June 2020 khan hna hi thawh zawh niin technical test charge pawh 14^th August 2020 khan hlawhtling taka neih anih thu a report.

He 132kV line thar hi Lunglei, Lawngtlai leh Saiha District tan chauh a pawimawh lova, Serchhip District, Hnahthial District leh Aizawl Distict khaw tam tak tan power source a ni tel dawn a ni. PGCI Tuivamit leh 132kV S/S Zuangtui inkar 132kV transmission line over-loaded vanga Aizawl khawchhunga a in enchhawk (load shedding) ngai thin pawh a chhawk zangkhai tura beisei a ni.

He line hi 110 Km a thui niin tower 252 phun a ni a, Melriat atanga World Bank road zawh pheiin Aibawk atangin Bawngthah lamah a peng a, Sertlangpui leh Thuampui tlangdung zawhin Pukpui daiah Khawiva Sub-Station lamah a her liam ta a ni. 

ABSTRACT OF IMPORTANT PARAMETERS/DATA