No.6072/2020-2021

Mamit 14th October, 2020 : Vawiin khan Tuidam Community Hall-ah Assistant Registrar Cooperative Societies (ARCS), Mamit District buatsaihin Pradhan Mantri Vandhan Yojana (Vandhan Mission) chungchang leh loneitute thlai chin dan, a enkawl dan inzirtirna leh inhrilhhriatna hun hman a ni a. Pu Paul Rokima, DIPRO Mamit chuan khuallian niin he hun hi a hmanpui.

Khuallian chuan Tuidam kuthnathawktute tana Training pawimawh tak buatsaih a ni chu lawmawm a tih thu sawiin ngaithla liam mai lova, a taka hmang thiam ngei tura uluk leh thahnemngai taka Training turin kalkhawmte chu a sawm a. Tunlai kuthnathawktute chu Sorkarin theihtawp a chhuahpui avanga an vanneih tawh thu sawiin, mithiam tak tak, a taka zir chiang hmasatute ngei hnen atanga Training an dawng thin chuan an thlai thar chhuahah nghawng tha zawk a neih ngei a beisei thu a sawi bawk.

Pu Lalthangfala, Nodal Officer, Vandhan Mission Mamit- chuan Technical Report pein Society Member-te hamthatna tur kawng hrang hrang a tarlang a. Pu Lalhmingmawia, SDAO, Zawlnuam chuan kalkhawmte zirtirna a pe a ni.

Vawiin Training- hi Pu Rozidinga, Chairman, Tuidam Consumers Cooperative Society Ltd chuan a kaihruai a. He hunah hian kuthnathawktute bakah Tuidam khawtlang hruaitute an tel a ni.