No.6071/2020-2021

Aizawl, 14th October 2020 : Vawiin khan Mizoram State Cooperatiove Union (MSCU) Board of Directors chu an President Pu K.Lalchamreia hovin Registrar of Cooperative Societies Meeting Room-ah an thukhawm.

Vawiin MSCU Board of Directors Meeting-ah hian November ni 14-20, 2020 chhunga ‘All India Cooperative Week’ hman dan tur chungchang sawiho a ni a. Tunlai khawvel puma hripui leng mek Covid-19 avanga mipui punkhawm khap a nih avangin kum danga he Week lawmna neih thin chu a rem thei dawn lova, a theih ang anga mipuite zingah Cooperative Week Awareness thehdarh turin media hman tangkai leh hmun remchang apiangah banner-te tar nise tih rel a ni. Kumin rampumah Cooperative Week Thupuiah chuan ‘Self-Sufficient India through Cooperatives’ hman a ni ang.

Vawiin MSCU Board Meeting-ah hian Chawlhmun-a Junior Cooperative Training Centre building chu CCC atana hman tura dilna lut chu ngaihtuah ho a ni bawk a, Board Member-ten meeting zawhah a hmun pawh an tlawh nghal a ni. Dawrpui Veng-ah MSCU Building thar, cheng nuai 174.498 senga sak chu a remchang hmasa berah hawn a, luah thuai thei turin vawiin meeting-ah an rel bawk a ni.