High Powered Committee, Lunglei District hmalakna 'Poultry Farming for Eggs' kal zelah 29th November 2019 khan HPC Vice Chairman Pu Lawmawma Tochhawng MLA hovin Zobawk South Poultry Farming Society te inbuatsaih dan a hmunah kalin an en.

Zobawk South Poultry Farming Society-ah hian Ar vulh tura thlan chhungkua 20 an awm a, an Ar vulhna tur hmunhmate HPC Vice Chairman hovin, HPC Chief Planning Officer (CPO) Pu C.Vanlalmuana, HPC Vice Chairman PS Pu Vanlalruata Pautu, Dr Vanlalhruaia Chief Veterinary Officer (CVO) Lunglei leh HPC member ten an en a.  Ar 100 zel vulh tura a In sakna leh an tlatna turte nen ruahmanna siam angin a tling em tihte, An hmun hma a zira Ar In sak dan turte an inbuatsaih dante enfiah a ni.

Ar vulh tura thlante hnenah hian an inbuatsaih dan leh hmalak an tum dante zawtin, hlawhtling ngei tura tih tak takna nena hmala tur chi an ni em tihte thlengin HPC team te hian chik takin an thli thlai a ni.

Society memberten Ar vulh tura an lo inbuatsaih dante leh an in ruahman dante a tha tawk viauin an hria a, hlawhtling ngei tura tih tak taka hmala turin HPC Team te hian an fuih.

HPC hian Lunglei District chhungah Artui a intodelh a nih ngei theihna turin hma a la mek a, Arpui 10,000 vulh turin a ruahmana, tun kar tawp lamah Ar note hi a rawn thleng tan ang.

Attachment

  • Loading attachment...