29th November 2019 zan khan Branch YMA Serkawn buatsaihin Career Guidance cum Felicitation Programme neih a ni a, Lunglei North bialtu MLA Dr Vanlaltanpuia Chairman Mizoram Youth Commission (MYC) chu khuallian a ni.

Serkawn Indoor Stadium a hun hman hi Pu F. Lalhmangaihthanga Serkawn Branch YMA Education Committee a Chairman in a kaihruai a, Khuallian Dr. Vanlaltanpuia chuan, UPSC-a inziak tling Mizote kan tlem lutuk hi a pawi hle a, Zirna lamah tan kan lak thar hle a ngai a ni, a ti a, a MLA Fund chu Zirna lama hmasawnna atan hman tam a tum thu a sawi bawk.

He hun hmanah hian Serkawn Branch YMA huamchhunga Bachelor Degree chin chunglam zirchhuak thar mi 26 te hnenah lawmpuina thilpek hlan an ni a, NIIT, JET etc entrance exam a tling, technical seat hmu mi pathum  Lalmalsawma s/o Laldina, Baby Lallianpuii d/o Lalrinthanga Chinzah leh Vanhmingmawii Ralte d/o R. Lalhmahruaia te hnenah bialtu MLA hian Laptop computer a hlan.