Vawiin khan Lunglei HPC Vice Chairman Pu Lawmawma Tochhawng chuan Lunglei Fire Station, Ramthar Veng Lunglei ami chu tlawhin an harsatna te a enfiah. 2^nd OC Fire Pu K. Thansanga leh a thawhpuiten an lo dawngsang a ni.

HPC Vice Chairman hian Fire Station building leh office te tlawh kualin siamthat a ngaihdan te leh thawktute mamawh hrang hrangte a hmuh pui a ni.

Tunah hian Mizoram sawrkar chuan Mizoram chhunga fire station-te leh Sub Station-te ti hmasawn turin DPR te pawh buatsaihin hmalak mek a nih thu a sawi a. Lunglei Fire Station chu a building te a hlui tawh bakah bazaar hmuna awm a nih avangin a thawktute leh mipuite tan a hlauhawm tawh nia a hriat thu HPC Vice Chairman chuan sawiin a kaihhnawih Department leh sawrkar thuneitu te hnena thlen vat a tum thu a tarlang. Tin, Lunglei khawpui tan Fire Station pakhat ringawt awm chu a tawk tawhlova a hriat thu leh Lunglei khawpui hmar lamah Fire Station pakhat dah belh a nih theihnan hmalak tul a tih thu a sawi bawk.  Heng bakah hian Fire Department tena rikrum thila an hman theih mai tur khawpui chhung kawngpui dung leh veng kilkhawr deuhah te pawh tui herhchhuah mai theihna tur (water hydrant) tam zawk siam tul a tih thu sawiin Lunglei Fire Station building siamthat hna leh thawktute mamawh hrang hrangte neih belh thuai a nih theih nana hmalakna chak taka kalpui tum a nih thu leh hlawhtlinna pawh hmuh ngei a beisei thu HPC Vice Chairman chuan a sawi. 

Lunglei Fire Station hnathawktute thawhrimna leh inpekna chu fakawm a tih thu sawiin an chungah lawmthu a sawi bawk.