No.1011/2021-2022

Lunglei, 17th June 2021 : Vawiin khan Lunglei HPC Vice Chairman Pu Lawmawma Tochhawng chuan HPC Pilot Project "Low cost polyhouse Betelvine Cultivation" hnuaia Panhnah ching tura thlante hnenah Panhnah phun tur leh hnathawhna tur sum a hlan. Beneficiary te hian Panhnah polypot 1000, Shade Net Thirzai leh a Phunna tur,leh Transportation a hman tur pawisa a sem ngal a ni. Water Harvesting Structure,Irrigation tih na tur leh Weeding tihna tur an la dawng leh dawn a ni.

Hlanna inkhawm hi Land Resources, Soil & Water Conservation Office, Lungleiah neih a ni.

Pu F. Lalramnghinglova DO, Land Resources, Soil & Water Conservation , Lunglei District kaihhruai inkhawmah Pu Lawmawma Tochhawng chuan Lunglei hian kum khatah panhnah kan eiral hi cheng Nuai 100 chuang man vel a ni a, kan ramah a tharchhuah ve theih tho avangin, Pilot project hi kalpui a ni a, vawiina hmala hmasatuten in tih that chuan kawng ro a su dawn a, in lakah beiseina sang tak kan nei a ni, a ti.State dang atanga panhnah lalut lova intodelh tumin theihtawp kan chhuah a ngai a, sawi ringawt lovin thil tihin lan tir ang kan ti a, hlawhtling turin beka thlantui luang a thawh a ngai, a ti.

Low cost Poly House Betelvine Cultivation hnuaiah hian beneficiary 7 panhnah ching tura thlan an ni a, panhnah an chin tur hi Assamese Variety a ni a, mi pakhatin kung 1000 zel dawngin, panhnah chinna tur a insakna hmanrua chi hrang hrang an dawng bawk.

Upgraded Traditional method hmanga panhnah ching tur mi pathum thlan an ni bawk a, heng mite hnenah hian an hmalakna tur a pawimawhte naktukah pekchhuah veleh a ni ang.