No.1010/2021-2022

Aizawl the 17th June, 2021: Covid-19 hrileng avanga state in harsatna a tawh laia sawrkar hmalakna pui a, harsatna tawkte chhawmdawlna turin mimal, kohhran, NGO leh pawl hrang hrang dangte'n Chief Minister's Relief Fund for COVID-19 ah puihna an chhunglut tawh a. Ssawrkar hnathawk inzawmkhawm pawl lian ber, Federation of Mizoram Government Employees & Workers (FMGE&W) pawhin an member-te ni khat hlawh thawhkhawmin, vawiin khan CM Relief Fund-ah Rs. 3.00 crores an chhunglut a ni.

Anni bakah hian Chief Secretary Pu Lalnunmawia Chuaungo chuan CM Relief Fund for COVID-19 ah hian Rs. 15,000 a pe in, State Institute of Rural Development & Panchayat Raj (SIRD & PR) thawktuten Rs. 76,524 an pe bawk a ni.

FMGE&W hruaitute hian member zawng zawngin an la thawh kim theihloh avangin a dang la lut tur a awm thu an sawi a ni.