109/2022-2023

Lunglei 9th April 2022: Vawiin khan Lunglei High Powered Committee Vice Chairman Pu Lawmawma Tochhawng chuan Rotlang ‘E’ khua a silai tlak mual atanga balu lakna tur kawng 1.1 kms, HPC Fund cheng nuai 13 senga ruahman chu a hawng.

HPC Vice Chairman Pu Lawmawma Tochhawng chuan Rotlang E khaw mipuiten kawng  siam thar chu tangkai taka an hmang chho mek chu lawmawm a tih thu sawiin neitu rilru pu a uluk taka lo enkawl chhunzawm turin a chah a ni.

Rotlang ‘E’ VCP Pu H. Lalchamliana pawhin thu sawiin khawtlang mipuite hmakhua ngai an ngenna tih hlawhtlin anih avangin Lunglei High Powered Committee Vice Chairman Pu Lawmawma Tochhawng leh a thawhpuite chungah lawmthu a sawi a. Rotlang ‘E’ khua ah hian chhungkaw 168 awmin balu hralhna atanga sum tling khawm chu in tinah sem chhuah leh thin anih thu a sawi a ni.