2287/2024-2025

2024 Mimkut thla ni 28: Vawiin khan Lunglei High Powered Committee (HPC) Vice Chairman, Lunglei North bialtu MLA Pu V. Malsawmtluanga chuan a bial chhung Zote South khawtlang tan Transformer 250KVA a hlan.

Zote South khua hian Transformer 100KVA an hman mek chu a chhiat avangin September ni 15, 2024 (Pathianni) zan aṭang khan current/eng an nei tawh lo va. Bialtu MLA chuan theih tawp chhuaha hma la nghalin, khawtlangin an duhthusam ang transformer hmu tur chuan hun a duh rei deuh dawn avangin MLA fund-a rulh leh turin transformer 250KVA hi a leisak a ni.

Vawiin vek khan Pu V. Malsawmtluanga chuan Zote South-ah hian mipuite'n an mamawh an thlen theihna (public interview) hun hawngin, khawtlang mipuite'n an hlut hle a. Bialtu MLA-in an khawtlang mamawh tak mai transformer a pek avangin leh khawtlang mipuite'n office hmuna pan ngai lo va, an khuaah ngei kal chilha an harsatna leh mamawh thlenna hun a hawnsak avangin lawmawm an tih thu an sawi a. Bialtu MLA hnenah hian khawtlang hmingin lawm thu sawina thilpek an hlan bawk a ni.

Attachment

  • Loading attachment...