3331/2022-2023

Lunglei the 24^th January 2023 : Tukin zing khan khan Lunglei High Powered Committee Vice Chairman, Pu Lawmawma Tochhawng chuan HPC fund cheng nuai 37 senga sak Executive Engineer, Irrigation & Water Resources Department( I&WRD)  Quarter Lunglei Chanmari ami chu a hawng.

Hawnna inkhawm tawi E.E Quarter a neih hi Pi Laldinpuii, Executive Engineer, Irrigation & Water Resources Department Lunglei in a kaihruai a,  Lunglei HPC Vice Chairman Pu Lawmawma Tochhawng chuan pawisa awm ang ang a nihdan tur ang taka hmanga building ṭha tak sak puitlin a ni chu lawmawm a tih thu sawiin chutiang a nih theihna tura theihtawp chhuahtu Deparment a thawktute fakawm tiin ṭangkai tak leh hah taka hnathawhna atan hman nise a duhthu a sawi. Kum 2008 February thla aṭang khan HPC in sum kan hman tur hi Mizoram Budget ah dah ṭan a ni tiin sum hmuh tam ber hi intodelhna lam hawi atan hman tura tih a ni tiin, chumi lam hawi chuan a tam ber hman ṭhin a ni  ti a, tuna hawn tak I&WRD in a mamawh tak mai pawh hi a bul lo ṭan a, thui tak hma lo la tawhtu HPC Vice Chairman hlui Pu S.Laldingliana leh Pu Joseph.Lalhimpuia te pawh an fakawm hle a ni a ti. Hmasawnna hna leh intodelhna hna thawk tak tak tur chuan hmunhma nghet neih a pawimawh tih Pu Lawmawma chuan sawiin, hetihlai karah I&WRD in E.E Quarter ṭha tak an nei ta pawh chu ṭangkai taka hman a nih a beisei tih sawiin, HPC in a tum ber chu thlaithar ah Lunglei Disttict intodelh a, chumi hnuah thawnchhuah tham neih a ni tiin chumi kawngah chuan nasa taka HPC hmanga hmalak a nih thu a sawi. HPC chu ṭangkai zawka Lunglei mipuiten kan chhawr theih nan kan rilru tak tak sengin pawisa kan hmuhin a phu tawk tharchhuah emaw hman ṭangkai emaw tum in ṭhahnemngai lehzualin ṭan i la thar leh ang u a ti.

He hunah hian Pu C.Malsawmkima District Agriculture Officer, Lunglei pawhin HPC kaltlanga Agriculture Department hnathawh hrang hrangte tarlangin HPC chu an Department pawhin an chhawr ṭangkai thu a tarlang a ni. Irrigation & Water Resources Department, E.E Quarter hawnna inkhawm ah hian Chanmari V.C te bakah HPC member te leh Official ṭhenkhat te an tel a ni. Tukin a Lunglei HPC Vice Chairman in a hawn tak I&WRD E.E Quarter hi RCC building Zopa chhiara chhawng hnih a dung Ft 40 a vang Ft 30 a lian niin kum 2017 aṭanga khan a sakna tur sum hi Lunglei HPC Fund aṭangin dah ṭan a ni.