UD&PA Department kaltlanga 10% Lumpsum Grant for NER sum hmanga Lunglei khawpui chhunga kawngpui siamthat tur atana Detailed Project Report(DPR) siamna tur bawhzui mek a ni a. Ni 3, 4, 6 & 7 July, 2015 chhungin Lunglei Addl. DC Pu H.Lianzela hovin Veng hrang hrang tlawh kual a ni a, kawng siamthat ngai laite a hmunah enfiahin chhinchhiah zel a ni a. Addl DC hi Lunglei DUDO Pu Albert Vanlalliantluanga, UD&PA Planning Assistant Pi Lalhmingsangi leh JE Pu Lalnunsanga bakah NBCC Engineer-te leh Veng tinah VC ten an tawiawm zel a ni.

Internal Roads Committee member-ten ni 4 chhung site visit an neihah heng Vengte hi tlawh tawh an ni : Pukpui, Zotlang, Bazar Veng, Rahsiveng, College Veng, Luangmual, Venghlun, Hrangchalkawn, Theiriat, Sethlun, Ramthar, Zohnuai, Serkawn, Electric Veng leh Venglai. Veng hrang hrang an tlawh zawh hnuah an rawtna-te hi Internal Roads Core Committee hmaah pharh leh a ni ang a, chumi zawhah DPR siamin thehluh a ni ang. Tarlan tawh angin he project atana sum dah chu Cheng vaibelchhe 24 a ni.