Lengpui zirlai pawl ten an khuaa zirna lama hlawhtling HSLC & HSSLC passed tharte lawmpuina hun vawiin July 4, 2015 hian an nei a. Khuallian Pu John Rotluangliana, Minister FCS&CA department etc., in zirlai passed tharte hi Certificate hlanna neiin, lawmpuina thu a sawi a.

Minister chuan zirlaite chu kan ram nu leh pa, ram hruaitu la ni tur an nih avangin taima tak, tihtakzet rilru pua lehkha zir tur leh Pathian hre reng turin a fuih a. Ram chhungah chauh nilo, India ram hmundang leh Foreign thleng pawh a hnathawh tur zawng ngam turin a fuih bawk a. Eng hna pawh thawh hreh lo tur a ni a, an thawhrim leh thawhrim loh hian kan ram future nasa takin a nghawng dawn a. Kan ramin Remna leh Muanna kan neih hi hmang trangkaia hmasawnna nei turin theih tawp chhuah ila. Sorkar hmalakna trawiawm thiam ila, Vawiina kan ram hruaitupa ber Chief Minister Pu Lal Thanhawla kaihruai Sorkar hi a rinawma, a zui ngamin a rin tlak em em a ni, a ti a. Minister hian LPMSU hi Rs. 5000 a pe a, Zirlai hotute pawh an lawm hle.

He hun hi Joel Lalramdinmawia, Asst Secretary, LPMSU in hnehtaka kaihruaiin, MSU Hqtrs President PC. Lalrinhlua, R. Malsawmkima, President, LPMSU leh Pu F. Lalhuthanga, Lengpui VCP ten thu an sawi bawk