DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lunglei-khawpui-chhunga-cablewire-hrui-zam-hnawk-then-fai-hnatlang-thawh-a-nip

Lunglei khawpui chhunga cable/wire hrui zam hnawk then fai hnatlang thawh a ni

2590/2024-2025

2024 Khuangchawi thla ni 18: Vawiin khan September ni 24, 2024-a Lunglei District Level Telecom Committee (DLTC) thu rel bawhzuiin DLTC member-te, Lunglei Joint Local Council Association hruaitute leh Lungleia cable operator leh internet service provider hrang hrang ai awhte chuan Lunglei khawpui chhunga cable/wire hrui zam hnawk then fai leh thlun ṭhat hnatlang an thawk.

Hnatlang hi Lunglei District Additional Deputy Commissioner Pu James Miahlung leh Lunglei Municipal Council Secretary Pu Lalrinawma te'n hovin, Kikawn aṭanga ṭanin hrui zam hnawk then fai leh thlun ṭhat hna hi an thawk a. Hrui hlui chhia leh hman tawh lohte chu la thlain, hrui hman lai chi hrang hrang chu khawpui tana hnawk lo tur leh felfai zawkin an thlung ṭha a ni.

Attachment