2852/2024-2025

2024 Sahmulphah thla ni 5: Lunglei Municipal Area huam chhungah The Lunglei Municipal Council (Control of Parking and Collection of Parking Fees) Regulations, 2024 tlawh chhana parking fee khawnna tur ruahman anga parking fee khawn a nih mek laiin, parking fee pe duh lova harsatna siam tam tak an awm nia a lan avangin Lunglei Municipal Council (LMC)-a Chief Executive Officer Pu Donny Lalruatsanga chuan November ni 1, 2024 khan The Lunglei Municipal Council (Control of Parking and Collection of Parking Fees) Regulations, 2024 tlawh chhanin, "Mi tu pawhin he thupek zawm lova parking fee pe duh lo zawngin a che emaw, Municipal Authority zah lo taka chetna a nei a nih chuan dan angin hma lakna kalpui zel a ni ang" tiin thupek a chhuah a. He thupek hi a chhuah ni aṭanga hman ṭan nghal tura tih a ni.