4167/2023-2024

LUNGLEI; the 14^th March, 2024: District Registering Authority (DRA), Lunglei meeting tahrik ni 8/3/2024 a neih a, a lo rel tawh angin, vawiin chawhnu dar 12:30 atang  khan Pu James Miahlung, Addl.DC hovin Inspection team on “The Mizoram Clinical Establishments (registration & Regulation) Act & Rules, 2014” chuan Lunglei Municipal Area chhunga Private Hospital, Clinics Leh Diagnostic Laboratory te an enfiah. Inspection team te hian  Private Hospital, Clinics leh Diagnostic Laboratory ten “The Mizoram Clinical Establishments (registration & Regulation) Act & Rulesm, 2014” in a phut angin an establishement ten an enkawl em? tih an endik a. Endikna tehfung atan hian danin a phut ang diak diak ni lo vin, tehfung mawlmang ber hmanga endik hna hi la kalpui hrih a ni.

 Vawiin Inspection Team ten endikna tehfunga an hman chu:

1)      Mipui te hmuh theih turin hmun langsarh laiah Patients’ Rights charter an tar em?

2)      Emergency Exit a awm em?

3)      Fee structure an tar em?

4)      Doctor hming leh an qualification an tar em?

5)      Timing of clinics an tar em?

6)      Eng service nge an provide theih an tar em?

7)      Bio Medical Waste Management License an nei em?

8)      Medical Termination of Pregnancy (MTP) Act an zawm em?

9)      Pre-Conception and Pre- Natal Diagnostic Techniques (PC-PNDT) Act an zawm em?

10)    Drug Licenses an nei em?

11)    Clinic hawn phalhna Permanent/Provisional registration an nei em?

12)    Emergency Drugs an kawl em?

13)    Fire Fighting equipment an kawl em? Etc..

“The Mizoram Clinical Establishments (Registration & Regulation) Act & Rules, 2014”  hian Hospital, Clinic leh Diagnostic Laboratories te Govt leh Non-Govt (private) te in register na tur a siam a. Mipui tan a hriselna lam a inenkawina tur hmun rintlak leh him, a thiamna dik tak nei Doctor, Nurse leh Technician te enkawl tir ngei hi a tum ber a ni.

Vawiina endik hman lo Private Hospital, Clinics leh Diagnostic Laboratory te hi naktukah tlawh chhunzawm leh an ni ang. Hun remchang hmasa berah DRA chuan Lunglei District chhunga Private-a Clinic nei/hawng te ko khawma, sensitization meeting neihpui turin a lo rel tawh bawk a ni.