4166/2023-2024

Aizawl, the 14th March 2024 : Aizawl Smart City Limited (ASCL) hmalakna hnuaiah motor khu endikna lirthei ‘Mobile Pollution Testing Vehicles’ panga (5) lei chu te chu mipuite hman theih turin vawiin khan Pu Lalmalsawma Pachuau, Secretary, Urban Development & Poverty Alleviation in Mizoram Pollution Control Board (MPCB) hnenah a hlan a, hlanna hun tawite hman nghal a ni. He ruahmanna hi Smart Cities Mission hnuaia hmalakna niin motor khu endikna lirthei panga man hi nuai 55 a ni a, a enkawl zui hna leh a hman dan tur duan fel hi MPCB kutah a awm a ni. Heng pollution testna lirthei te hi Aizawl khawpuiin a mamawh em em a ni a, pollution testing ti tura harsatna leh hun tam tak sen ngai thin chu a chhawk zangkhai beisei a ni.