Vawiin chawhma dar 11:00 khan Lunglei District chhunga dan lova sumdawngte enfiahtu, Core team chuan Lunglei khawpui chhung veng thenkhata dan lova sumdawngte bih chian hna a thawk.

Core Team te hian hnam dang sumdawng Inner Line Permit leh Trade Licence nei lote chu List ah dahin hengho chunga action lak anih theih nan sawrkar thu neitute kutah an thil hmuhte hi an thlen leh dawn a ni.Vawiina dawrkai finfiah tak te hi hnamdang sumdawng Mizo hming hawh leh Mizo nupuia neite an ni a.Mizoram sawrkarah VAT an thehlut em tih te pawh enfiah nghal a ni.Core team ah hian Deputy Commissioner Office-a Officials te, I&PR, Sub Hqrs.YMA,MZP leh District Merchant Association member te an awm a,Core team hian endik hna hi sawi lawk awm lovin thawh zel a tum a ni.