3260/2023-2024

LUNGLEI the 19,December,2023: Vawiin khan Lunglei khawpui chhung hmun 3 ah Sorkar laipui hmalakna mipui te hnen a hrilhhriatna Viksit Bharat Sankalp Yojana (VBSY)  programme hlawhtling taka hman a ni. Lunglei khawpui chhung Veng 3 Chanmari, Electrict Veng leh Ramthar Veng ah te hun hman a ni.

Ramthar Veng hun hman na ah hian Lunglei DC Pi Ramdinliani leh Lunglei District viltu Pu Parthsarathy Bhaskar, Deputy Secretary, Department of Administrative Reforms and Public Grievances (DARPG) Govt. of India te pawh in an telpui a ni. Pi Ramdinliani chuan India Prime Minister Pu Narendra Modi hmalakna in Sorkar laipuiin India khua leh tui te tana hamthatna a siam te India ram thingtlang kilkhawr bera awm pawhin a bo a bang awmlova dawng thei tur leh  chhungkaw tinin an hman tangkai chu an duh a ni tih sawiin he ruahmanna thatak hi a la hrelo te pawh an kawtkaiah anmahni tawng ngei a hrilhfiah tur a he hun hi buatsaih a nih thu a sawi a ni. Sorkar laipui Scheme hrang hrang te hi belchiangin chhungkaw tana tangkai taka hmang a a hlawkna te tel tum theuh turin a chah bawk.

 He hun  hman naah hian Line Department hrang hrang Agriculture in Pradhan Mantri Kisan Maandhan Yojana(PM-KMY) leh Pradhan Mantri Kisan Samman Nidhi Yojana ((PM-KSNY), Lead Bank in Pradhan Mantri Jeeevan Jyoti Bima Yojana, Atal Pension Yojana leh Pradhan Mantri Suraksha Biman Yojana, Health & Family Welfare in Ayushman Bharat hnuaia hamthatna hrang hrang PM Jan Arogya Yojana (Health Insurance), PM Bharatiya Janaushadhi Pariyojana  bakah  ICDS Scheme Pradhan Mantri Matru Vandana Yojana (PMMVY) hnuaia nu nau nei ten Rs 5000/- thleng an dawn theih dan te tarlangin Ramthar Veng ah mi 60 ai a tamin he hamthatna hi an dawng tawh a, dawng thei tur tamtak buaipui mek a nih thu tarlan niin Health Department in a thlawna in entirna an buatsaih nghal bawk a ni.

Heng hun hman na te hi Pi Lalvenhimi Ralte, BDO  Lunglei chuan kaihruaiin  beneficiary hlawhtling ten an hlawhtlin dan leh hlawkpui dan te an sawi.