3259/2023-2024

Dated Saitual the 6th January 2024: January Ni 3 leh Ni 6 2024 inkar khan Pu F. Rodingliana, Minister of State Power & Electricity Department, Commerce & Industries leh Printing & Stationery Department changtu chuan a bial Lengteng Constituency chhunga khaw thenkhat Saichal, Changzawl, Hliappui, Pawlrang, Ngopa, Kawlbem, Teikhang, Mimbung, Lamzawl, Hrianghmun, Chiahpui, Khawkawn leh Khawdungsei te a tlawh a. Minister hian khawtinah khawtlang hruaitute leh party hruaitute kawmin khawtlang mamawh leh khawtlangin harsatna an lo thlente uluk taka ngaithla in a theihtawpa a bawhzui tur thu a sawi.

Pu F Rodingliana chuan khawtina ‘Sawrkar thar policy KALPHUNG THAR tlangau puiin’ mipuite pawh kalphung thar dawngsawng thei turin mahni lo insiamrem a, Sawrkar thar tawiawm a, finchhuah a, kawng dik a zawh zel theihna turin lo tawngtaipui thin turin a sawm.

Minister chuan a bial chhungah hnachhia a awm a remtihloh thu a sawi a, contractor ten Sorkar dang anga hlep an neih tur bituk bak hlep neih an beisei tur a ni lova, chuvangin mahni khaw chhunga hna chhuak reng reng uluk taka lo vil thin turin khaw tina khawtlang mipuite a ngen a ni. Inthlanpui neih lai khan nasa taka tangin an bei tlang a, tunah chuan inthlan a zo ta a, party bil leh party rilru dahtha a ram leh hnam hmasawnna turin lungrual taka thawk tlang turin khawtina mipuite a sawm a ni.

He bial chhung tlawh programme tawp nan Saichal a ‘Sorkar Thar Lawmna’ khaw mipuiten an buatsaih chu a telpui nghal bawk a ni.

Minister hi Er K. Duhsanga, SE, P&E, Pu H Lalramliana, SDO (Civil)/BDO Ngopa, Pu Pu PC Lalvuana, Joint Director, Commerce & Industries Department, Pu Lalrozama , SDO, PWD Ngopa leh official dangte bakah Party hruaituten an tawiawm a ni.