3258/2023-2024

LUNGLEI the 6th Jan,2024 : Vawiin khan YMA Lunglawn Branch te chuan Kum 50 (Golden Jubilee) an tlin lawmna Lunglawn mualah ropui takin an hmang. He hunah hian Pu Lalramliana Papuia,Lunglei South bialtu MLA chuan khuallian niin a hmanpui.

YMA Lunglawn Branch Golden Jubilee lawmna inkhawm Pu C.Lalchhanhima, Vice President YMA Lunglawn Branch,  kaihhruaiah khuallian Pu Lalramliana Papuia Bialtu MLA, chuan Lunglawn  hi khaw upa tawh tak, kum 120 chuang lo ding tawh a ni a. Pathian mi, Martar-te lunghahna, rawngbawltu ropui tak takte ṭhuthmun a nih avangin Lunglei mai bakah, Mizoram chhim lama khaw pawimawh berte zing a mi a ni a.  Chutih laiin, hun kal tawh avanga kan hlutna leh hriat hlawhna mai hi a tawk lova ngaihhlut hlawh zui zel turin tuna vengchhunga cheng mekte hian mawh kan phur ve a ni a ti. Veng leh khua changkanna hi building ropui leh hmunhma neih ṭhatah a innghat lova, a chhunga chengte rilru put hmang aṭangin a inṭan zawk a ni. Lunglawn hi tun aia changkang turin  rual elna rilru pu chungin develop kan tum tur a ni a ti bawk.

YMA Lunglawn Branch Golden Jubilee lawmna hun hi hun thumah then niin chhunlamah hun hnih hman ani anga zanlamah zai thiam te nen hun hlimawm tak hman tum a ni bawk. Tlai lamah khawtlang huap ruai ropui tak theh a ni bawk a ni.